ट्रेड युनियनका नेताले सचिव तर्साउने दिन गए : मन्त्री यादव

२६ मंसिर, हेटौंडा । उद्योग वाणिज्य तथा आपूर्ति मन्त्री मात्रिका यादबले काम नगरी ट्रेड युनियनको नेता हुँ भन्दै सचिवलाई तर्साउनेहरुको दिन गएको बताएका छन् ।

ट्रेड युनियनका अधिकांश नेतामा काम नगर्ने नेतागिरी मात्र गर्ने प्रवृत्ति रहेको भन्दै उनले सुकिलो मुकिलो बनेर नेतागिरी गर्ने समय सकिएको दावी गरे 

‘नेताले काम गर्दैन काम गर्ने नेता होइन त्यसैले सचिव तर्र्साएर होइन काम गरेर स्थापित हुनु पर्छ’ उनले भने । कर्मचारी संगठनका नेताहरु सचिव सरुवा गर्न हिँड्ने तर आफनो जिम्मेवारी पूरा नगर्ने प्रवृत्ति देखिएको भन्दै औद्योगिक क्षेत्रमा यस्तो देखिन नहुने मन्त्री यादवले बताए ।

हेटौडा सिमेन्ट उद्योगको ३३ औ वार्षिकोत्सवको कार्यक्रममा बुधबार उनले निजी सिमेन्ट उद्योगहरुसँग प्रतिस्पर्धामात्र होइन, हेटौडा सिमेन्ट उनीहरु भन्दा अब्बल बन्नुपर्नेमा जोड दिए ।

उद्योगले केही वर्षदेखि मुनाफा कमाउन थालेकोमा खुशी व्यक्त गर्दै मन्त्री यादवले उद्योगको क्षमता विस्तार गरेर प्रतिस्पर्धा गर्न व्यवस्थापनलाई सुझाए ।

घाटामा रहेको उद्योग अहिले नाफामा

लामो समयदेखि घाटामा सञ्चालन हुदै आएको हेटौंडा सिमेन्ट उद्योगले विगत केही वर्षदेखि नाफा कमाएको छ । उद्योगले आर्थिक वर्ष ०७४/०७५ मा २३ करोड ५० लाख ५६ हजार रुपैयाँ मुनाफा गरेको महाप्रबन्धक प्रेमशंकर सिंहले जानकारी दिए ।

अघिल्लो आर्थिक वर्षमा करिब २२ करोड उद्योगले नाफा गरेको थियो । उद्योेगले आव ०६९/०७० मुनाफा गरेको भएपनि ०७०/०७१ मा घाटामा संचालन भएको थियो ।

त्यसपछिका वर्षहरुमा उद्योगले नाफा गर्दै आएको छ । २०४२ सालदेखि व्यावसायिक उत्पादन सुरु गरेको यस उद्योगमा ४ सय जना कर्मचारी र कामदार छन् । हेटौडा उपमहानगरपालिका ९ लामसुरेमा रहेको उद्योगको लागि दैनिक एक हजार टन चुनढुङ्गा आवश्यकता पर्छ ।

उद्योग क्षमता दैनिक १६ हजार बोरा सिमेन्ट उत्पादन गर्ने भएपनि उत्पादन क्षमताको ५५ प्रतिशत भन्दा बढी उपयोग गर्न सकेको छैन । विगतमा दैनिक ३ सय ५० मेट्रिक टन क्लिङ्कर उत्पादन गर्ने भएपनि हाल उद्योगले ७ सय ५० मेट्रिकट उत्पादन गर्दै आएको छ ।

0 Shares

Related Articles