छायाँ सरकार बनाउने कांग्रेसको निर्णय

काठमाडौं । प्रमुख प्रतिपक्षी नेपाली कांग्रेसले छायाँ सरकार बनाउने निर्णय गरेको छ ।

मंगलबार बसेको संसदीय दलको बैठकले छायाँ सरकार बनाउने निर्णय गरेको नेता गगन थापाले जानकारी दिए ।

कांग्रेसले छायाँ सरकारका लागि मन्त्रालय रोजेर नाम पेश गर्न संसदहरुलाई आग्रहसमेत गरेको छ । थापाका अनुसार एक जना सांसदले तीन वटा मन्त्रालय रोजेर नाम दिन सक्नेछन् ।

‘छायाँ सरकार बनाउने भन्ने पहिले देखिकै निर्णय हो’, उनले भने, एक जनाले तीन वटा मन्त्रालय रोजेर नाम दिने छायाँ सरकार बनाउने भन्ने निर्णय भयो ।’

नेता पौडेलले हाँस्दै छायाँ सरकार बनेको तर त्यसले काम गर्न नसकेको बताएका थिए । पौडेलको भनाइ थियो, ‘प्रतिपक्षको भूमिका कमजोर भयो कि भन्ने प्रश्न उठेको छ । अब हाम्रो सभापतिजीले संसदीय दलमा छायाँ सरकार बनाएको, त्यो सरकारले काम गर्न सकेन ।’

0 Shares

Related Articles