यातायात विभागका पूर्वमहानिर्देशकले १ करोड ४३ लाख भष्टाचार गरेको अख्तियारको ठहर

काठमाडौं– अख्तियार दुरुपयोग अनुसन्धान आयोगले यातायात व्यवस्था विभागका तत्कालिन महानिर्देशक चन्द्रमान श्रेष्ठले पदमा बहाल रहँदा १ करोड ३४ लाख ५ सय ७६ रुपैयाँ भष्टाचार गरेको ठहर गरेको छ ।
बुधबार अख्तियारका सहप्रवक्ता मदन कोइरालाले जारी गरेको विज्ञप्तिमा हाल वन तथा वातावरण मन्त्रालयको सहसचिव रहेका श्रेष्ठको आय व्ययको विस्तृत विश्लेषण गर्दा गैरकानुनी रुपमा आर्जन गरिएको उल्लेख छ ।

आजै विशेष अदालत काठमाडौंमा उनीविरुद्ध मुद्धा दायर गरिएको छ ।  श्रेष्ठले जागिर सुरु गरेदेखि हालसम्म २ करोड १० लाख ७७ हजार ४ चार रूपैयाँ आर्जन गरेकोमा उनको परिवारका सदस्यहरूको चल अचल सम्पत्ति सिर्जना एवं सवारी खरिद, शेयर लगानी, शिक्षा, विदेश भ्रमण, बैङ्क मौज्दात लगायतका शीर्षकहरुमा समेत गरी ३ करोड ४४ लाख ७७ हजार ५ सय ८० रुपैयाँ खर्च गरेको देखिँदा १ करोड ३४ लाख ५ सय ७६ रुपैयाँ बराबरको सम्पत्तिको स्रोत नखुलेको सम्पति पाइएको अख्तियारले जनाएको छ ।

0 Shares

Related Articles