गौतमबुद्ध अन्तर्राष्ट्रिय क्रिकेट रंगशालाको मैदान निर्माण कार्य डेढ महिनामै ८० प्रतिशत सकियो

200

धुर्मुस–सुन्तली फाउन्डेसनको संयोजनमा जनस्तरबाट निर्माण भइरहेको गौतमबुद्ध अन्तर्राष्ट्रिय क्रिकेट रंगशालाको मैदान निर्माण कार्य डेढ महिनामै ८० प्रतिशत सकिएको छ ।

अबको चार महिनामा प्याराफिटबिना अन्तर्राष्ट्रिय खेल खेल्न मिल्ने ग्राउन्ड तयार हुने भएको छ । गत कात्तिक ६ गते विस्तृत परियोजना प्रतिवेदन (डिपिआर) सार्वजनिक भएपछि रंगशाला निर्माणको काम युद्धस्तरमा अघि बढेको हो ।

४७१ मिटरको वृत्ताकार परिधिको मुख्य मैदान बनाउने काम पनि ८० प्रतिशत पूरा भएको परियोजनाका सिभिल इन्जिनियर राजेश थापा बताउँछन् । ‘अहिले मैदानको वरिपरि ४७१ मिटरको नाला निर्माण भइरहेको छ । ३.३७ मिटरको बाहिरी र २.३७ मिटरको भित्री सेरवालसहितको नाला निर्माणको काम ५० प्रतिशत पूरा भएको छ । यो नालाले मैदानलाई आवश्यक पर्ने पानी छान्ने, प्रशोधन गर्ने र सञ्चित गर्ने काम गर्नेछ’, थापा भन्छन् ।
मैदानको काम नसकिँदै प्यारापिट निर्माणको काम आरम्भ भइसकेको छ । सुरूवाती चरणमा ५२ वटा भीमकाय पिल्लर उठाउने काम सुरू हुन्छ । त्यसपछि ३५२ वटा सहायक पिल्लर बन्नेछन् । आगामी ६ महिनाभित्रमा प्यारापिटले पनि आकार लिइसक्ने धुर्मुसको दाबी छ ।

पिचका लागि आवश्यक पर्ने माटो धुल्याउने र केराउ–दानाको आकार दिने कामका लागि भने जति पनि स्वयम्सेवी खपत हुने उनको भनाइ छ ।

 

You might also like
Loading...