सिन्धुपाल्चोकमा सलह समातेर ल्याउनेलाई किलोको ६० देखि १०० रुपैयाँ दिने

71




सिन्धुपाल्चोकमा पनि सलह किराको बथान आइपुगेपछि त्यसलाई नियन्त्रणका लागि स्थानीय सरकारले कार्यक्रम अघि बढाएका छन् । मकैबारी लगायत अन्य अन्न बालीमा सलह किरा प्रवेश गरेपछि त्यसलाई न्युनिकरण र रोकथामाका लागि सिन्धुपाल्चोकका १२ स्थानीय सरकारले विभिन्न सचेतना र अन्य कार्यक्रमहरु अघि सारेका छन् ।

किसानहरुलाई सचेत हुन र आफ्नो खोतबारीमा सलको बथान पसेमा त्यसलाई नियन्त्रण र धपाउन समेत स्थानीय सरकारले कृषकहरुलाई आग्रह गरेका छन् ।

देशभरका गाउँपालिकाहरुको छाता संगठन गाउँपालिका राष्ट्रिय महासंघका अध्यक्ष समेत रहेका जुगल गाउँपालिकाका अध्यक्ष होमनारयण श्रेष्ठले सलह सिन्धुपाल्चोकमा प्रवेश गरे लगतै सामाजिक सञ्जालबाट सबै किसानहरुलाई सेचत रहन आग्रह गरेका छन् । अध्यक्ष श्रेष्ठले सलह किरा समातेर ल्याउने किसानलाई प्रति किलो १ सय रुपैयाँ प्रदान गर्ने घोषणा समेत गरेका छन् ।

जुगल गाउँपालिकाको केही वडाहरुमा सलह किरा आएकाले सबै सचेत हुनका लागि अध्यक्ष श्रेष्ठले आग्रह गरेका छन् । ‘घरेलु माध्यमबाट सलहलाई नियन्त्रण गर्न र संकलन गरेर गाउँपालिकमा ल्याएमा हामी प्रति किलो एक सय रुपियाँ प्रदान गछौं’, अध्यक्ष श्रेष्ठले भने ।

त्यस्तै त्रिपुरासुन्दरी गाउँपालिकाका अध्यक्ष भुपेन्द्र श्रेष्ठले कोरोना भाइरसबाट आक्रन्त भैरहेको बेला सलहको डर भएकाले सचेत रहन गाउँपालिकाबासीमा आग्रह गरेका छन् । सलह समातेर ल्यानउे किसानहरुलाई पुरस्कारको व्यवस्था गरेको अध्यक्ष श्रेष्ठले जानकारी दिए । ‘हामी किसानहरुलाई पुरस्कार स्वरुप प्रति किलो ६० रुपियाँ प्रदान गछौं’, अध्यक्ष श्रेष्ठले भने ।

पैसा भन्दा पनि किसानहरुमा पाक्ने बेला भएको बालीमा आफै सचेत रहनका लागि यस्तो अभियान सुरु गरिएको र किसानहरुको आत्मबल बढाउनका लागि यस्तो घोषणा गरिएको स्थानीय सरकारका प्रमुखहरुले जानकारी दिएका छन् । सिन्धुपाल्चोकका अन्य स्थानीय सरकारले पनि सलह नियन्त्रणका लागि कृषि शाखासँग समन्वय गरेर कार्यक्रमहरु बनाइरहेको बताएका छन् ।

‘हामी कोरोनाकै समस्यामा छौं । अब गाउँपालिका भित्र कसरी सलह नियन्त्रण गर्ने भनेर छलफल पछि अन्य कार्यक्रमहरु ल्याछौं’, लिसंखुपाखर गाउँपालिकाका अध्यक्ष कमल नेपाालले भने । ठुलो बथान नै नआएपनि केही दिनदेखि फाटपुट्ट रुपमा सलहको बथान सिन्धुपाल्चोकमा भित्रिएको छ ।

You might also like
Loading...