जनआन्दोलन दिवसमा शुभकामना आदानप्रदान

नवलपुरको मध्यविन्दु नगरपालिका–७ स्थित चोरमारा बजार क्षेत्रमा सोमबार सरसफाई गरिएको छ । मध्यविन्दु नगरपालिकाको संयोजन तथा विभिन्न संघसंस्थाहरुको सहभागितामा चोरमारा बजार क्षेत्रमा सरसफाई गरिएको हो । मध्यविन्दु नगरपालिकाको केन्द्र रहेको चोरमारा बजारको नियमित सरसफाईका लागि यहाँका स्थानीय सरोकारवाला संघसंस्थाहरुले क्रियाशिलता देखाउदै आएका छन् ।
सोमबार भएको सरसफाईमा मध्यविन्दु नगरपालिकाका नगर प्रमुख चन्द्र बहादुर राना, प्रमुख प्रशासकीय अधिकृत बासुदेव खनाल, मध्यविन्दु–७ का वडा अध्यक्ष अमृत ज्ञवाली सहित विभिन्न संघसंस्थाका प्रतिनिधि र स्थानीय सरसफाई कार्यक्रममा सहभागी हुनुहुन्थ्यो ।
सरसफाई कार्यक्रममा चोरमारा बजार बिकास समितिका अध्यक्ष अर्जुन पुरी, तमसरिया साना शहरी खानेपानी तथा सरसफाई उपभोक्ता संस्थाका अध्यक्ष मनु गुरुङ, सचिव ठाकुर पाण्डे सहित सरोकारवालाहरुको सहभागिता रहेको थियो ।
चोरमारा बजार सरसफाई पस्चात नगरपालिका र शसस्त्र प्रहरी बेश क्याम्प अगाडीको नालि क्षेत्रमा रहेको ढलको समेत सफाई गरिएको छ । नालिमा जम्मा भएको ढल तथा फोहरको कारण सो आसपासको क्षेत्र दुर्घन्धित र कुरुप बनेको भन्दै तमसरिया खानेपानीसंगको समन्वयमा नाला सफाई गरिएको प्रमुख प्रशासकीय अधिकृत बासुदेव खनालले बताउनुभयो । सरसफाईको क्रममा बजार क्षेत्रको सडकमा राखिएका निर्माण सामाग्रीहरु तत्काल हटाउन समेत नगरपालिकाले निर्देशन दिएको छ ।
चोरमारा बजारलाई व्यवस्थित र सुन्दर बजार बनाउन अब निरन्तर रुपमा सरसफाई कार्यक्रम सञ्चालन गरिने चोरमारा बजार व्यवस्थान समितिका अध्यष अर्जुन पुरीले बताउनुभयो ।
मध्यविन्दु नगरपालिका भित्रको फोहर व्यवस्थापनको लागि नगरपालिका ल्याडफिल्ड साइट निर्माणको क्रममा रहेको छ ।