कावासोतीमा बालबिवाह विरुद्धको सचेतना कार्यक्रम
कावासोती । पूर्वी नवलपरासीको कावासोतीमा बाल बिवाह विरुद्धको सचेतना कार्यक्रम गरिएको छ ।
कावासोती १ को जनकल्याण माध्यमिक बिधालयका बालबालिकाहरुलाई बालबिवाहको असर, बाल बिवाह हुनुको कारण, बाल बिवाह रोक्ने उपाय र कानुनी प्रावधानको बारेमा सचेत गराईएको हो ।
सचेतना कार्यक्रम जागृती बाल तथा युवा सरोकार नेपालले क्यान्नलन स्विजरल्यान्ड सँगको साझेदारीमा संचालित किशोरी सशक्तिकरण कार्यक्रम अन्तर्गतको बाल क्लबका पदाधिकारीहरुको क्षमता बिकास अन्तर्गत सन्चालन गरिएको किशोरी अभियन्ता रेजिना घर्ती मगरले बताए ।
समुदायमा बाल बिवाहको स्वरुप फेरियको छ, पहिला अभिभावकले गर्ने थियो भने अहिले स्वयम् बालबालिकाले नै आफै बाल बिवाह गर्ने गरेकोले बालबालिका लक्षित सचेतनाको लागि बिधालय र समुदाय लक्षित अभियान सुरु गरेको सस्थाले जनाएको छ । नवलपुरमा बाल बिवाहको दर बढदै गयकोले सानो उमेरमा नै आमा बन्ने तथ्यांकले देखायको छ ।
कार्यक्रममा बाल बिवाह, बाल बिवाहको असरहरु, नेपालमा कानुनी अवस्था, बाल बिवाह रोक्न गर्न सकिने कामहरुको बारेमा सहजीकरण गरिएको थियो ।
कार्यक्रममा जनकल्याण माध्यमिक बिधालयका बिद्यालय ब्यबस्थापन समितिका अध्यक्ष आशा गैरे ब्लोनले बालबालिकालाई सानो उमेरबाट नै यसरी सचेतना दिन सकिय बाल बिवाह र अन्य हिंसा अन्त्य गर्न सकिने बताए ।
विद्यालयमा गरिव, सीमान्तकृत समुदायका बढी बालबालिका अध्ययनरत रहेको र अभिभावकलाई समेत यस्ता बारेमा सचेत गर्नको लागि अनुरोध गरेका थिए ।
कार्यक्रममा किशोरी अभियन्ताहरु रेजिना घर्ती मगर, राधा बोटेले सहजीकरण गरेका थिए । कार्यक्रममा बिधालयमा अध्ययनरत ४० जना बालबालिकाको सहभागिता रहेको थियो ।
