जंगलमा लागेको आगो गाउँमा पुग्दा नवलपुरमा ३ घरमा क्षति

नवलपुर । पूर्वी नवलपरासीको बुलिङटार गाउँपालिका ५ को आमडाँडा स्थित जंगलमा लागेको आगो गाउँमा पस्दा ३ घरमा क्षति पुगेको छ ।

नवलपुर प्रहरीका अनुसार आगलागीबाट बुलिङटार ५ आमडाँडाको भुपाल सार्कीको २ वटा गोठ र टिनले छाएको घरमा पूर्ण क्षति भएको छ । उनको १ लाख ५० हजार बराबरको धनमाल क्षति भएको छ ।

त्ययसैगरी दुर्गाबहादुर खाँण ठकुरीको गोठ र परालको टौवा र धनबहादुर मास्कीको गोठ पूर्ण रुपमा क्षति भएको छ । उनीहरु दुवैको ५०÷५० हजार बराबरको धनमाल क्षति भएको प्रहरीले जनाएको छ ।

त्यसैगरी गएराति नवलपुरको देवचुली नगरपालिका १६ मा रहेको कालिका सामुदायिक वनमा पनि आगलागी भएको थियो ।