कावासोतीमा स्कुटी र अटो ठक्कर खाँदा ४ जना घाइते
कावासोती । पूर्वी नवलपरासीको कावासोती ३ हलचोकमा स्कुटी र अटो एक आपसमा ठक्कर खाँदा ४ जना घाइते भएका छन् ।
नवलपुर प्रहरीका अनुसार कावासोती ३ हलचोक स्थित पूर्व पश्चिम राजमार्ग सडकखण्डमा कावासोतीबाट डण्डातर्फ जादै गरेको ग. ५०४–००१–६–०२७८ नं. को अटो र डण्डाबाट कावासोतीतर्फ आउदै गरेको ना. ५८ प ७९०४ नं. को स्कुटर एकआपसमा ठक्कर खादा ४ जना घाइते भएका हुन् ।
दुर्घटनामा परी स्कुटर चालक हुप्सेकोट १ बेलुवा बस्ने बर्ष २६ को बिक्रम बास्तोला, स्कूटर पछाडि सवार कावासोती १६ पिप्रेनी बस्ने वर्ष २० को अनिल नेपाली, अटो चालक कावासाती १ हात्तीखोर वस्ने वर्ष २२ को लेख बहादुर राना र अटोमा सवार हुप्सेकोट १ बस्ने वर्ष १९ को मदन बाहपरे घाइते भएका छन् ।
घाइतेहरुको मध्यविन्दु जिल्ला अस्पताल डण्डामा उपचार भईरहेको प्रहरीले जनाएको छ ।
