गैडाकोटमा कालीगण्डकी कोरिडोरबाट ट्याक्टर खस्दा १ जना घाइते
नवलपुर । नवलपुरको गैडाकोट नगरपालिका ३ महेशखोलामा ट्याक्टर खस्दा १ जना गम्भीर घाइते भएका छन् ।
इलाका प्रहरी कार्यालय गैडाकोटका अनुसार कालीगण्डकी कोरिडोर सडक खण्डमा ढोडेनीबाट डेढगाउँतर्फ रड लिएर जाँदै गरेको ग १ त ११०० नम्बरको ट्याक्टर सडकबाट ४० मिटर तल खस्न गई ट्याक्टर दुर्घटना भएको हो ।
दुर्घटनामा चितवन जिल्लाको भरतपुर महानगरपालिका निवासी ५५ बर्षीय दलबहादुर घलान घाइते भएका छन् ।
उनको अवस्था गम्भीर रहेको र चितवनको भरतपुर सरकारी अस्पतालमा उपचार भईरहेको प्रहरीले जनाएको छ ।
