गैडाकोट र कावासोतीमा भएको दुर्घटनामा २ जना घाइते
नवलपुर । नवलपुरको गैडाकोट नगरपालिका २ भृकुटी चोकमा आज स्कुटी दुर्घटना हुँदा १ जना घाइत भएका छन् ।
जिल्ला प्रहरी कार्यालय नवलपुरका अनुसार गैडाकोट २ भृकुटी चोकमा काँग्रेसचोकबाट नारायणगढतर्फ जाँदै गरेको बाग्मती प्रदेश ०६–००२ प ३७३७ नम्बरको स्कुटर चालकले नियन्त्रण गुमाई दुर्घटना
हुदा स्कुटर चालक गैडाकोट ४ बस्ने बर्ष ५९ को डोलनाथ पोखरेल घाइते भएका हुन् ।
उनको हात र खुट्टामा चोट लागेको र अवस्था मध्यम रहेको प्रहरीले जनाएको छ । घाइतेको एलाइभ अस्पताल चितवनमा उपचार भईरहेको छ ।
त्यसैगरी नवलपुरको कावासोतीमा आज दिउँसो अटो र स्कुटी एक आपसमा ठक्कर खाँदा एक जना महिला घाइते भएका छन् ।
कावासोती ३ सभापति चोकमा प्रदेश ३–००१ ह १५४८ नम्बरको अटो र बाग्मती प्रदेश ०३–००२ प ९६९१ नम्बरको स्कुटी एक आपसमा ठक्कर खाएको हो ।
दुर्घटनामा परी स्कुटीको पछाडि सवार गैडाकोट १३ निवासी २९ बर्षीय प्रतिमा महतो घाईते भएको प्रहरीले जनाएको छ । उनको जीवन सिटी अस्पताल कावासोतीमा उपचार भईरहेको छ ।
