हुप्सेकोटमा निर्माणाधिन पुलको नटबल्टु चोरी गर्ने ५ जना पक्राउ
नवलपुर । नवलपुरको हुप्सेकोट गाउँपालिका ३ गिरुवारी खोलामा निर्माणाधिन पक्की पुलबाट फलामका ३ झोला नटबल्टु चोरी गर्ने ५ जनालाई प्रहरीले पक्राउ गरेको छ ।
निर्माणाधिन पुलबाट फलामको नटबल्टु खोली चोरेरको आरोपमा प्रहरीले ५ जनालाई पक्राउ गरेको हो ।
पक्राउ पर्नेमा हुप्सेकोट २ निवासी २४ बर्षीय अमित विक, २१ बर्षीय चन्द्रबहादुर परियार, १९ बर्षीय कृष्ण परियार, २० बर्षीय सन्दिप विक र २४ बर्षीय सुमित विक रहेका छन् ।
उनीहरुको साथबाट प्रहरीले फलामका नटबल्टु पनि बरामद गरेको छ ।
