नवलपुरको कालीगण्डकी कोरिडोरमा सवारी दुर्घटनामा सुनारी घाइते
नवलपुर । नवलपुरको बुलिङ्गटार ३ भलायटारमा आज साँझ भएको सवारी दुर्घटनामा परी बलायटार निवासी ७३ बर्षीय शेरबहादुर सुनारी घाइते भएका छन् ।
जिल्ला प्रहरी कार्यालय नवलपुरका अनुसार कालीगण्डकी कोरिडोर सडक खण्डमा बुलिङटारबाट डेढगाउँतर्फ जाँदै गरेको लु ३ च ६९४७ नम्बरको स्कारपियोले ना ६ प १४९६ नम्बरको स्कुटीलाई ठक्कर दिंदा सुनारी घाइते भएका हुन् ।
उनको पुरानो मेडिकल कलेज भरतपुरमा उपचार भईरहेको छ । घाइते सुनारीको अनुसारमा चोट लागेको र अवस्था मध्यम रहेको प्रहरीले जनाएको छ ।
दुर्घटनामा परेका दुवै सवारी र चालक प्रहरी नियन्त्रणमा रहेको प्रहरीले जनाएको छ ।
त्यसैगरी कावासोती ३ थकाली चोकमा क्रिकेट खेल्ने क्रममा लडेर थकाली चोक बस्ने २१ बर्षीय पुजन ढकाल घाइते भएका छन् ।
उनको मध्यविन्दु जिल्ला अस्पतालमा उपचार भईरहेको नवलपुर प्रहरीले जनाएको छ ।
