नेपाल पत्रकार महासंघ नवलपुर आफ्नै भवनमा
कावासोती । नेपाल पत्रकार महासंघ नवलपुरको कार्यालय नवनिर्मीत भवनमा सरेको छ । अहिलेसम्म भाडामा रहदै आएको महासंघको कार्यालय कावासोती ३ स्थित नमुना सदरमुकामको बनेको आफ्नै कार्यालयमा सरेको हो ।
भवनको कावासोती नगरपालिकाका नगर प्रमुख विष्णु प्रसाद भुषालले विहिबार उद्घाटन गरे । उद्घाटन कार्यक्रममा बोल्दै नगर प्रमुख भुषालले समाजका हरेक पक्षमा खबरदारी गर्ने र जनतालाई सहि सुचना प्रवाह गर्नेमा पत्रकार लागि पर्नु पर्ने बताए ।
पत्रकार महासंघ गण्डकी प्रदेशका अध्यक्ष नारायण शर्माले महासंघमा आवद्ध सदस्यको पेशागत विकाससंगै भौतिक पुर्वाधारकोरुपमा आफ्नै भवनमा कार्यालय संचालनले संस्थागत विकासमा टेवा पुर्याउने बताए ।
शाखाका अध्यक्ष विरेन्द्र पराजुलीले आफ्नो कार्यकालमा आफ्नै भवनमा कार्यालय सार्ने प्रतिवद्धता पुरा गरेको बताउदै सहयोगी संघसंस्थालाई उनले धन्यवाद ब्यक्त गरे ।
