कावासोतीमा बस र मोटरसाइकल ठक्कर खाँदा मोटरसाइकल चालक गम्भीर घाइते
कावासोती । पूर्वी नवलपरासीको कावासोती ८ खरकट्टा जंगलमा बस र मोटरसाइकल दुर्घटना हुँदा मोटरसाइकल चालक गम्भीर घाइते भएका छन् ।
जिल्ला प्रहरी कार्यालय नवलपुरका अनुसार नारायणगढबाट कावासोतीका लागि छुटेको ना ५ ख ६८८३ नम्बरको बस र विपरित दिशाबाट जाँदै गरेको बा. प्र. ०६–००२ प ६६० नम्बरको मोटरसाइकल एक आपसमा ठक्कर खाएको हो ।
दुर्घटनामा परी मोटरसाइकल चालक गोरखाको पालुङटार नगरपालिका ६ गाइखुर बस्ने ३०÷३२ बर्षीय सुमित लुइटेल गम्भीर घाइते भएका छन् ।
उनको टाउको र अनुहारमा चोट लागेको छ । घाइतेको मध्यविन्दु जिल्ला अस्पताल डण्डामा उपचार भईरहेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले बताए ।
