कावासोतीमा छोराको कुटपिटबाट बावुआमा घाइते
रामकुमार श्रेष्ठ –
कावासोती । नवलपुरको कावासोतीमा छोराको कुटपिटबाट बाबुआमा गम्भीर घाइते भएका छन् ।
जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार कावासोती १३ लौखानी बस्ने ३४ बर्षीय चिन्तामणी बस्यालले मादक पदार्थ सेवन गरी ढोकाको गजबारले आफ्ना बाबुआमालाई कुटपिट गरेको थिए ।
छोराको कुटाइबाट ७२ बर्षीय बुवा बालकृष्ण बस्याल र ६८ बर्षीया आमा जालपी बस्याल गम्भीर घाइते भएका छन् । उनहरुको हातखुट्टामा चोट लागेको छ ।
मध्यविन्दु जिल्ला अस्पताल डण्डामा उपचार भईरहेको छ । प्रहरीले छोरालाई नियन्त्रणमा लिएर घटनाको थप अनुसन्धान गरिरहेको जनाएको छ ।
