कालीगण्डकी करिडोरको नवलपुरमा दुई स्थानमा सडक अवरुद्ध
रामकुमार श्रेष्ठ –
नवलपरासी । कालीगण्डकी करिडोर नवलपुर जिल्लाको २ स्थानमा सडक अवरुद्ध भएको छ ।
कालीगण्डकी करिडोरको नवलपुरको गैडाकोट नगरपालिका ३ को तरङ्गे खोला र बुलिङटार गाउँपालिका १ को मोच डाँडामा पहिरो खसेर सडक अवरुद्ध भएको छ ।
तरङ्गे खोलामा हालेको ह्युम पाइप बगाएका कारण ३ दिनदेखि सडक अवरुद्ध भएको र खोलामा पानीको बहाब नघटेको कारण सडक सञ्चालनमा कठिनाइ भएको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले बताए ।
कालीगण्डकी करिडोरकै बुलिङ्गटार १ मोच डाँडामा भने आइतबार दिउँसो पहिरो खसेर सडक अवरुद्ध भएको हो । अवरुद्ध सडक खुलाउने प्रयास भए पनि रात परेका कारण सडक खुलाउन नसकेको र सोमबार विहानैदेखि सडक खुलाउन प्रयास गरिने उनले बताए ।
यता हुप्सेकोट गाउँपालिका ५ पाङग्रेमा रुद्रपुर धौवादी भित्री सडक खण्ड विगत ३ दिनदेखि अवरुद्ध रहेको छ । यहाँ सडक माथिबाट पहिरो खसेको र पहिरो खस्ने क्रम नरोकिएकोले सडक खुलाउन नसकिएको पौडेलले बताए ।
