कावासोतीमा ट्रकको ठक्करबाट म्याजिक चालक गम्भीर घाइते
कावासोती । नवलपुरको कावासोतीमा आज राति भएको सवारी दुर्घटनामा एक जना गम्भीर घाइते भएका छन् ।
जिल्ला प्रहरी कार्यालय नवलपुरका अनुसार कावासोती ८ थकाली चोकमा बा.प्र. ०६–००१ क ००२७ नम्बरको ट्रक दक्षिणबाट उत्तरतर्फ क्रस गर्ने क्रममा ना १ ज ५८०५ नम्बरको म्याजिकलाई ठक्कर दिएको हो ।
दुर्घटनामा परी म्याजिक चालक गैडाकोट ५ निवासी लक्ष्मण विसी घाइते भएका छन् ।
उनको मध्यविन्दु जिल्ला अस्पताल डण्डामा उपचार भईरहेको छ । प्रहरीले ट्रक र ट्रक चालकलाई नियन्त्रणमा लिएको छ ।
