नवलपरासीमा लागुऔषध सहित १ जना पक्राउ
नवलपरासी । पश्चिम नवलपरासीमा लागुऔषध सहित १ जना पक्राउ परेका छन् ।
जिल्ला प्रहरी कार्यालय नवलपरासीका प्रहरी नायव उपरीक्षक रेशम बोहोराका अनुसार पश्चिम नवलपरासीको प्रतापपुर गाउँपालिका १ बाउनगढी स्थित भित्री सडकमा प्रतापपुर १ निवासी २८ बर्षीय अजय यादव लागुऔषध सहित पक्राउ परेको हो ।
अमहवादेखि गोपीगंजतर्फ आउदै गरेको युपी ५६ एक्स ००४२ नम्बरको मोटरसाइलकमा इलाका प्रहरी कार्यालय सेमरीको टोलीले शंका लागि चेकजाँच गर्दा मोटरसाइकल चालक यादवलाई प्रतिबन्धित लागुऔषध सहित पक्राउ गरेको हो ।
प्रहरीले उनको साथबाट प्रोसिको स्पास ४ सय ७७ ट्याब्लेट, टिट्रभेट ८८ ट्याब्लेट, ओनेरेक्स १०० एमएलको ३ सिसी र २ वटा सिरिन्ज बरामद गरेको छ ।
प्रहरीले उनलाई आजै जिल्ला अदालत परासीमा पुर्याई लागुऔषध सम्बन्धि कसुर शिर्षकमा मुद्धा चलाएको जनाएको छ ।
पक्राउ परेका यादवलाई २ बर्षदेखि १० बर्षसम्म कैद र १ लाख रुपैयाँदेखि २० लाख रुर्पैयाँसम्म जरिवाना हुन सक्ने प्रहरी नायव उपरीक्षक रेशम बोहराले जनाए ।
