राष्ट्रिय परिचयपत्रको तस्बिर खिच्दा अब सिन्दूर, टीका देखि पहिचान झल्कने पोशाक लगाउन पाइने
काठमाडौं, साउन १७ । राष्ट्रिय परिचयपत्रका लागि तस्बिर खिच्दा अब सिन्दूर र टीका समेत लगाउन पाइने भएको छ ।
यस अघि परिचय पत्रको फोटो लिँदा यी सबै प्रयोग गर्न पाइँदै थियो । अब आफ्नो संस्कृति र जातीय पहिचान जनाउने पोशाक र पहिरन लगाउन मिल्ने राष्ट्रिय परिचयपत्र तथा पञ्जीकरण विभागले जनाएको छ ।
यसअघि सिन्दूर, टिका हटाएर फोटो खिच्न लगाइँदा जनस्तरबाट आलोचना भएपछि विभागले यस्तो निर्णय गरेको हो ।
गृहमन्त्रालय अन्तरगत रहेको विभागले एक परिपत्र जारी गर्दै फोटो खिच्दा स्पष्ट मुखाकृति र दुवै कान देखिने गरी फोटो खिच्नुपर्ने, फोटो खिच्दा सिन्दूर, टीका, राष्ट्रियता झल्कने टोली, धार्मिक, सांस्कृति तथा जातीय पहिचान जनाउने पहिरन लगाउन बाधा नपर्ने जनाएको हो ।
