नवलपुरको दुई दुर्घटनामा ३ जना घाइते
नवलपुर । नवलपुरमा आज भएको दुई वटा छुट्टा छुट्टै दुर्घटनामा परी ३ जना घाइते भएका छन् ।
जिल्ला प्रहरी कार्यालय नवलपुरका अनुसार नवलपुरको गैडाकोट नगरपालिका १४ अमरापुरीमा आज दिउँसो स्कारपियोले मोटरसाइकललाई ठक्कर दिंदा २ जना घाइते भएका छन् ।
गण्डकी प्रदेश खेलकुद परिषदको बीएए ०५२४ नम्बरको स्कारपियोले ना ५७ प ५६९४ नम्बरको मोटरसाइकललाई ठक्कर दिएको हो ।
मोटरसाइकलको ठक्करबाट मोटरसाइकल चालक चितवन जिल्लाको कालिका नगरपालिका ३ खोलेसिमल बस्ने बर्ष २८ को सुमन पौडेल र मोटरसाइकल पछाडी सवार निजको श्रीमती बर्ष २५ की दुर्गा नेपाल घाइते भएका छन् ।
घाइतेहरुको नयाँ मेडिकल कलेज, चितवनमा उपचार भईरहेको र स्कारपियो र स्कारपियो चालकलाई प्रहरीले नियन्त्रणमा लिएको छ ।
त्यसैगरी विनयी त्रिवेणी गाउँपालिका २ दाउन्ने एस मोडमा सवारी दुर्घटनामा परी १ जना घाइते भएका छन् ।
नवलपुर प्रहरीका अनुसार लु २ ख ६४०२ नम्बरको ट्रकको चक्काले टेकेर उछिटिएको ढुंगाले लागेर लु ५६ प ६६१६ नम्बरको मोटरसाइकलमा सवार गुल्मी जिल्लाको इस्मा गाउँपालिका ४ निवासी १९ बर्षीय सविना गुरु« घाइते भएका छन् ।
घाइतेको दाँत खसेको छ भने गालामा चोट लागेको छ । उनको नयाँ मेडिकल कलेज भरतपुरमा उपचार भईरहेको छ ।
