निजामति कर्मचारी दिवसमा कावासोतीमा रक्तदान
नवलपुर । निजामती कर्मचारी दिवसको अवसर पारेर आज कावासोतीमा कर्मचारी मिलन केन्द्र नवलपुरले रक्तदान कार्यक्रम गरेको छ ।
नेपाल रेडक्रस सोसाइटी कावासोतीको प्राविधिक सहयोगमा भएको रक्तदान कार्यक्रममा ३४ जनाले रक्तदान गरेको कर्मचारी मिलन केन्द्र नवलपुरका अध्यक्ष विनोद घिमिरेले बताए ।
रक्तदान कार्यक्रममा नवलपुरका सहायक प्रमुख जिल्ला अधिकारी मुक्तिराम रिजाल र कर्मचारी मिलन केन्द्र नवलपुरका अध्यक्ष विनोद घिमिरेले रक्तदान गरेर रक्तदान कार्यक्रमको शुरुवात गरेका थिए ।
निजामति कर्मचारी दिवसको अवसर पारेर कर्मचारी मिलन केन्द्र नवलपुरले कावासोतीमा पत्रकारसँग मैत्रीपूर्ण फुटसल प्रतियोगिता, विद्यालय स्तरीय निबन्ध प्रतियोगिता लगायतका कार्यक्रम गरी मनाइरहेको छ । यसैबीच भोलि राहत वितरण गरिने जनाइएको छ ।
त्यसैगरी डेढगाउँमा २९ गते निशुलक स्वास्थ्य शिविर गर्ने भएको छ ।
