क्रान्तिकारी कम्युनिष्ट पार्टी नेपाल नवलपुरको एकता अधिवेशन
नवलपुर । क्रान्तिकारी कम्युनिष्ट पार्टी नेपाल नवलपुरको एकता अधिवेशन आजबाट कावासोतीमा शुरु भएको छ ।
अधिवेशनको क्रान्तिकारी कम्युनिष्ट पार्टी नेपालका कार्यसदस्य हरिभक्त कंडेल प्रतिकले उद्घाटन गरेका थिए ।
उद्घाटन कार्यक्रममा बोल्दै प्रतिकले नेपालमा कम्युष्टि आन्दोलन शुरु भएको ७५ बर्ष पुगेपनि क्रान्ति पूर्ण रुपमा सफल हुन नसकेको बताए ।
उनले नेतृत्व तहबाट पटक पटक धोका भएको कारण नेपालमा कम्युनिष्ट आन्दोलन सफल हुन नसकेको बताए । त्यसैगरी उहाँले नेपालका कम्युनिष्टहरुमा संसदवाद हावी भएको आरोप समेत लगाए ।
कार्यक्रममा क्रान्तिकारी कम्युनिष्ट पाटी नेपालका नेता प्रतिकले संसद वादी पार्टीमा पनि संकट आएको बताए ।
संसदवादी पार्टीहरु भ्रष्टभएका कारण एकले अर्कोलाई सिद्धाउने गरी लागि परेको समेत बताए ।
आजबाट शुरु भएको अधिवेशन नयाँ समिति चयन गर्दै भोलि सकिने छ । भोलि राष्ट्रिय महाधिवेशनका लागि दस्तावेजमाथि छलफल हुने कार्यक्रम रहेको आयोजकले जनाएको छ ।
