कुम्सोदमा अटो दुर्घटनाः ६ जना घाइते
नवलपुर । नवलपुर जिल्लाको देवचुली नगरपालिका ६ कुमसोदमा आज साँझ अटो दुर्घटना हुँदा ६ जना घाइते भएका छन् ।
इलाका प्रहरी कार्यालय रजहरका अनुसार आज साँझ साढे ५ बजेतिर कुमसोदबाट दलदले बजारतर्फ आउँदै गरेको प्रदेश नं ०४Þ–००१ ह ००७२ नं को अटो चालकले नियन्त्रण गुमाई दुर्घटना भएको हो ।
दुर्घटनामा परी चितवन जिल्लाको भरतपुर महानगरपालिका २७ पर्साधाप बस्ने बर्ष २१ को आयुस तामाङ, बर्ष २२ की पार्बती गुरुङ, बर्ष १५ को शुसान भट्टराई, बर्ष २७ को इशान्त गुरुङ, बर्ष १७ को बिश्वास गुरुङ र भरतपुर ११ निवासी बर्ष २० को बिज्ञान श्रेष्ठ घाइते भएका छन् ।
घाइते मध्ये ३ जनाको अवस्था गम्भीर रहेको छ । उनीहरुको देवचुली अस्पताल दलदलेमा उपचार भईरहेको छ ।
प्रहरीले अटो र अटो चालकलाई नियन्त्रणमा लिएको जनाएको छ ।
