महाराजा आधारभूत विद्यालयलाई शैक्षिक सामग्री हस्तान्तरण
कावासोती ।
नवलपुरको कावासोती १ रिठ्ठेपानीमा रहेको जनसेवा युवा क्लबले हात्तीखोरमा रहेको महाराजा आधारभूत विद्यालयलाई शैक्षिक सामग्री हस्तान्तरण गरेको छ ।
जनसेवा युवा क्लबले देउसी भैली कार्यक्रमबाट संकलिन रकमबाट १२ हजार बराबरको आज शैक्षिक सामग्री हस्तान्तरण गरेको विद्यालयका प्रधानाध्यापक शिशिर सिंजाली मगरले बताए ।
स्टेसनरी सामग्री क्लबका संस्थापक अध्यक्ष तथा वर्तमान संरक्षक विजय पुलामी मगर, क्लबका उपाध्यक्ष दिनेश राना, कोषाध्यक्ष ज्योति पुलामी, सदस्य सन्ध्या सेन ठकुरीको उपस्थितिमा हस्तान्तरण गरिएको थियो ।
शैक्षिक सामग्री हस्तान्तरण कार्यक्रम विद्यालय व्यवस्थापन समितिका अध्यक्ष पदम बहादुर राना र शिक्षक अभिभावक संघका अध्यक्ष पदम बहदुर थापा, विद्यालयका शिक्षक, विद्यार्थी, अभिभावक लगायतको उपस्थित रहेको थियो ।
विद्यालयलाई सहयोग गरेकोमा विद्यालयका प्रधानाध्यापक शिशिर सिंजालीले क्लवका सम्पूर्ण पदाधिकारी तथा क्लब परिवारलाई धन्यवाद ज्ञापन गरेका थिए ।
