नवलपुरमा मोबाइल र ल्यापटप चोरी गर्ने पक्राउ
नवलपुर । नवलपुर प्रहरीले मोबाइल र ल्यापटप चोरी गर्ने ५ जनालाई पक्राउ गरेको छ । पक्राउ पर्ने सबै चितवनको रहेका छन् ।
जिल्ला प्रहरी कार्यालय नवलपुरका प्रहरी निरीक्षक रामचन्द्र घिमिरेका अनुसार कात्तिक ०७ गते देवचुली सुन्दर पौडेलको घरबाट २ थाना मोबाइल र १ थान ल्यापटप चोरी गर्नेलाई पक्राउ गरिएको हो ।
पक्राउ पर्नेमा चितवनको भरतपुर महानगरपालिका ३ निवासी १८ बर्षीय बिक्की कुमाल, सोही ठाउँका १८ बर्षीय बिकास सुनार, भरतपुर ३ कमलनगर निवासी ३५ बर्षीय सम्झना उपरकोटी, सोही ठाउँका ३५ बर्षीय नोषल तामाङ र २८ बर्षीय सरस्वती भुजेललाई प्रहरीले पक्राउ गरेको हो ।
उनीहरुलाई नवलपुर जिल्ला अदालतबाट ७ दिनको म्याद थप गरि अनुसन्धान गरिहेको प्रहरीले जनाएको छ ।
