परासीमा ब्राउन सुगर सहित १ जना नियन्त्रणमा
परासी । पश्चिम नवलपरासीको रामग्राम नगरपालिकाबाट प्रहरीले १ जनालाई ब्राउन सुगर सहित पक्राउ गरेको छ ।
जिल्ला प्रहरी कार्यालय पश्चिम नवलपरासीका प्रहरी नायव उपरीक्षक रमेश बोहराका अनुसार रामग्राम नगरपालिका वडा नं. १२ पचगांवा बस्ने वर्ष ३५ को दिपेन्द्र चौधरीलाई प्रहरीले लागु औषध खैरो हिरोइन ब्राउन सुगर सहित पक्राउ गरेको हो ।
प्रहरीले उनको कोठाबाट १६ पुरिया ब्राउन सुगर बरामद गरेको जनाएको छ ।
चौधरीलाई जिल्ला अदालत परासीबाट दिन ७ (सात) म्याद थप अनुमति लिई थप अनुसन्धान कार्य भइरहेको प्रहरीले जनाएको छ ।
