काँग्रेस एमालेको प्यानललाई हराउँदै डण्डाको बजार समितिका स्वतन्त्र उमेदवार केसी विजयी

Daunne News प्रकाशित : श्रावण ५, १०:१९

रामकुमार श्रेष्ठ –
नवलपुर । काँग्रेस र एमालेको साझा उम्मेदवारलाई हराउँदै डण्डाको बजार विकास समितिका स्वतन्त्र उम्मेदवार हरि केसी विजयी भएका छन् ।

डण्डा बजार विकास समितिको नयाँ नेतृत्व चयनका लागि भएको निर्वाचनमा हरि केसी पुन अध्यक्षमा निर्वाचित भएका हुन् ।

अध्यक्षमा काँग्रेस एमालेको प्यानलबाट विष्णुप्रसाद खनाल, एमालेका बागी उम्मेदवार मेदनी लाल पाण्डे र स्वतन्त्र उम्मेदवार पदमबहादुर खत्री (हरि केसी) चुनावी मैदानमा थिए ।

स्वतन्त्र उम्मेवार केसी १ सय २४ मत प्राप्त गरी विजयी हुँदा काँग्रेस एमालेका साझा उम्मेदवार विष्णुप्रसाद खनालले ७७, एमालेका बागी उम्मेदवार मेदनीलाल पाण्डेले ६४ मत प्राप्त गरेका थिए ।

त्यसैगरी उपाध्यक्षमा एमालेकी मुना जिसी निर्विरोध निर्वाचित भएकी छिन् भने सचिवमा कृष्णप्रसाद अधिकारी, सहसचिवमा धनु गिरी, कोषाध्यक्षमा अदिपा गिरी निर्वाचित भएको निर्वाचन मण्डलका संयोजक सोम श्रीपालीले बताए ।

त्यसैगरी सदस्यहरुमा तुलबहादुर उचै ठकुरी, रोक्तबहादुर गोतामे, डमर गिरी, अजयकुमार श्रेष्ठ र गोपालबहादुर खत्री विजयी भएका छन् ।

अध्यक्ष पदमा निर्वाचित भएपछि हरि केसीले आफूले यस अघि आफ्नो कार्यकालमा गरेर बाँकी रहेका योजनाहरु यस कार्यकालमा पुरा गर्ने प्रतिबद्धता गरेका छन् ।