पाल्ही नन्दन ४ मा १५ सैयाको अस्पताल
- रामकरण हरिजन –
पाल्हीनन्दन । पाल्हीनन्दन गाउँपालिकाले पश्चिम नवलपरासी पाल्हीनन्दन गाउँपालिका ४ लोहरौलीमा रहेको प्राथमिक स्वास्थ्य चौकीलाई स्तर वृद्धि गरी १५ सैयाको अस्पताल सञ्चालन गर्ने भएको छ ।
चैत्र मसान्त भित्र अस्पताल सञ्चालनमा आउने पाल्हीनन्दन गाउँपालिकाका स्वास्थ्य शाखाका प्रमुख धर्मजित पटेलले जानकारी दिए ।
अस्पतालको नयां भवन निर्माणमा ठेकेदारको ढिलाईका कारण समयमै भवन निर्माण हुन नसक्दा अस्पताल सञ्चालनमा केही ढिलाई भएको पाल्हीनन्दन गाउँपालिका अध्यक्ष दीपक गुप्ताले बताए ।
चैत्र मसान्त भित्र प्राथमिक स्वास्थ्य चौकीलाई विस्तार गरी अस्पतालको रुपमा संचालन गर्ने पाल्हीनन्दन गांउपालिकाल जनाएको छ ।
अस्पतालको रुपमा संचालनमा आएपछि प्राथमिक उपचार लगायत विभिन्न रोगहरुका साथै हाईड्रोसिल, एपेनडिक्स, पाठेघर खस्ने जस्ता रोगको अप्रेसन लगायतको सेवा सञ्चालनमा आउने पाल्ही नन्दन स्वास्थ्य शाखाका प्रमुख धर्मजित पटेलले जानकारी दिए ।
https://www.youtube.com/watch?v=os6tnl0xP4c
