नेपाल पत्रकार महासंघ नवलपुरको चौथो स्थापना दिवस
नवलपुर । नेपाल पत्रकार महासंघ नवलपुरले चौथो स्थापना दिवस मनाएको छ । नयाँ जिल्ला नवलपुर भएपछि जिल्लामा नयाँ शाखा स्थापना गरिएको दिनको सम्झनामा स्थापना दिवस मनाइएको हो ।
स्थापना दिवसको अवसर पारेर नवलपुरमा पत्रकारिताको चुनौती र सम्भावना विषयक अन्तरक्रिया गरिएको थियो । अन्तरक्रिया कार्यक्रम नेपाल पत्रकार महासंघ नवलपुरका अध्यक्ष विरेन्द्र पराजुलीको अध्यक्षतामा भएको थियो ।
कार्यक्रममा नेपाल पत्रकार महासंघ गण्डकी प्रदेश अध्यक्ष नारायण शर्मा, स्वतन्त्र प्रेस सेनानी लालकुमार भट्टराई, क्रान्तिकारी पत्रकार महासंघका केन्द्रिय उपाध्यक्ष रामकुमार श्रेष्ठ, दीपक भट्टराई, रमेश बस्ताकोटी, कृष्णकुमारी ढकाल, घनश्याम बगाले, केवी राना, सागर पोख्रेल, विद्रोही गिरी, श्रीराम सिग्देल, सालिकराम कोइराला लगायतले कार्यक्रममा आआफ्नो धारणा राखेका थिए ।
धारणा राख्ने वक्ताहरुले नवलपरासी जिल्ला पत्रकारिताको क्षेत्रमा सधैं रुपन्देही र चितवनको कारण ओझेलमा परेको धारणा राखेका थिए । त्यसैगरी पत्रकारिता क्षेत्रमा लाग्नेहरुलाई तालिम सञ्चालन, पत्रकारहरुले पालना गर्नु पर्ने आचारसंहिता इमान्दारपूर्वक पालना गर्नु पर्ने लगायतका विषयहरु उठान गरिएको थियो ।
