कावासोती र गैडाकोटमा दुर्घटनाः ३ जना घाइते
नवलपुर । नवलपुरको गैडाकोट नगरपालिका ९ थुम्सी जंगलमा बाग्मती प्रदेश ०६–००२ प ८४८५ नम्बरको स्कुटी दुर्घटना हुँदा एक जना गम्भीर घाइते भएका छन् ।
इलाका प्रहरी कार्यालय गैडाकोटका अनुसार चितवनबाट रजहरतर्फ आउँदै गरेको स्कुटी चाकलले नियन्त्रण गुमाई दुर्घटना हँुदा स्कुटी चालक गोरखा जिल्लाको गोरखा नगरपालिका ६ बस्ने ३९ बर्षीय विरेन्द्र श्रेष्ठ गम्भीर घाइते भएका हुन् ।
उनको टाउको र मुखमा चोट लागेको र उनको पुरानो मेडिकल कलेज भरतपुरमा उपचार भईरहेको छ ।
त्यसैगरी कावासोती ३ कालीगण्डकी अस्पताल अगाडि ना ४० पु १७१२ नम्बरको स्कुटी र ना ४५ प ६०७६ नम्बरको मोटरसाइकल एक आपसमा ठक्कर खाँदा २ जना घाइते भएका छन् ।
दुर्घटनामा परी स्कुटी चालक कावासोती १० निवासी ६० बर्षीय तिलक बहादुर अधिकारी र मोटरसाइकल चालक कावासोती १५ निवासी २१ बर्षीय अञ्जु थनेत घाइते भएका छन् ।
घाइते दुवैको नारायणी कालीगण्डकी समुदायिक अस्पताल कावासोतीमा उपचार भईरहेको छ ।
