मध्यविन्दुमा लागुऔषध सहित १ जना पक्राउ
नवलपुर । नवलपुरको मध्यविन्दु नगरपालिकामा लागुऔषध सहित १ जना पक्राउ परेका छन् ।
जिल्ला प्रहरी कार्यालय नवलपुरका अनुसार नवलपुरको मध्यविन्दु नगरपालिका १२ भूपु चोकमा खटिएको गस्ती टोलीले भूपू चोकबाट लागुऔषध सहित १ जनालाई पक्राउ गरेको हो ।
ना ३२ प १५५३ नम्बरको मोटरसाइकल चालक ३१ बर्षीय अनिल कुमाललाई लागुऔषध सहित पक्राउ गरेको हो ।
उनलाई शंका लागि चेकजाँच गर्ने क्रममा प्रहरीले उनको साथबाट नाइट्रोभेट २ सय ८५ ट्याब्लेट बरामद गरेको हो ।
प्रहरीले घटनाको बारेमा थप अनुसन्धान गरिरहेको जनाएको छ ।
