गैडाकोटमा भएको सवारी दुर्घटनामा २ जना घाइते
गैडाकोट । नवलपुरको गैडाकोटमा भएको सवारी दुर्घटनामा २ जना घाइते भएका छन् ।
जिल्ला प्रहरी कार्यालय नवलपुरका अनुसार गैडाकोट ६ गैडा चोक स्थित भित्री सडक खण्डमा ना ३६ प ६४१३ नम्बरको मोटरसाइकल र ना १६ प ३८४८ नम्बरको मोटरसाइकल ठक्कर खांदा दुईृ जना घाइते भएका हुन् ।
दुर्घटनामा परी ना ३६ प ६४१३ नम्बरको मोटरसाइकल चालक गैडाकोट २ निवासी ३७ बर्षीय यमनाथ पौडेल र सोही मोटरसाइकलमा पछाडि सवारी गैडाकोट २ निवासी २३ बर्षीय विपुल श्रेष्ठ घाइते भएका छन् । उनीहरु दुवैको अवस्था गम्भीर रहेको छ ।
घाइतेहरुको एलाइभ अस्पताल भरतपुर चितवनमा उपचार भईरहेको छ ।
