गैडाकोटमा स्कुटी दुर्घटना चालक गम्भीर घाइते
गैडाकोट । नवलपुरको गैडाकोटमा स्कुटी दुर्घटना हुँदा स्कुटी चालक गम्भीर घाइते भएका छन् ।
इलाका प्रहरी कार्यालय गैडाकोटका अनुसार गएराति गैडाकोट ६ शिव चोक नजिकै भित्री सडकमा ना २८ प २१०९ नम्बरको स्कुटी अनियन्त्रित दुर्घटना भएको हो ।
दुर्घटनामा परी स्कुटी चालक गैडाकोट ६ शिव चोक निवासी २९ बर्षीय अनिल सुनार घाइते भएका हुन् । उनको अवस्था गम्भीर रहेको र घाइतेको टाउकोमा चोट लागेको छ ।
उनको चितवन मेडिकल कलेज चितवनमा उपचार भईरहेको छ ।
