कावासोतीमा करेन्ट लागि घाइते
कावासोती । नवलपुरको कावासोती नगरपालिका १४ कलकत्ते चोकमा करेन्ट लागेर एक जना गम्भीर घाइते भएका छन् ।
नवलपुर प्रहरीका अनुसार कावासोती १४ निवासी नारायण सुनारको घरमा विजुली बनाउने क्रममा कावासोती १४ थारुडण्डा बस्ने ३५ बर्षीय जोगनारायण महतो करेन्ट लागि घाइते भएका हुन् ।
उनको मध्यविन्दु अस्पताल डण्डामा सामान्य उपचार पश्चात थप उपचारको लागि भरतपुर रिफर गरिएको छ ।
महतोलाई आज राति साढे ९ बजेतिर करेन्ट लागेको हो । घाइतेको अवस्था गम्भीर रहेको प्रहरीले जनाएको छ ।
