सरकारको विरोधमा कांग्रेसका ६ बुँदा, वाइडबडीमा भने चुप
काठमाडौँ — कांग्रेसले सरकारको विरोधमा माघ २१ गते देशभर प्रदर्शन गर्ने भएको छ । पार्टी कार्यालय ललितपुरमा आइतबार बसेको केन्द्रीय कार्यसमिति बैठकले संसद्मा भएको बलजफ्ती, प्रधानमन्त्रीको अग्रसरतामा भएको सम्झौताविरीत चिकित्सा शिक्षा विधेयक पारित गरेर डा.गोविन्द केसीको अनशनप्रति संवेदनहीन व्यवहार देखाएको भन्दै प्रदर्शन गर्ने निर्णय गरेको हो । याे खबर कान्तिपुरबाट लिएका हाै।
कान्तिपुरले याे खबरमाा अगाडि लेखेकाेे छ –
प्रमुख प्रतिपक्ष कांग्रेसले माघ २१ मा सरकारविरुद्ध देशव्यापी विरोधसभा र प्रदर्शन गर्ने भएको छ । कांग्रेस केन्द्रीय कार्यसमितिको आइतबारको बैठकले ७७ जिल्लामै विरोधसभा गर्ने निर्णय गरेको हो । कांग्रेसका भ्रातृ संस्था भने आइतबारदेखि नै विरोधमा उत्रिइसकेका छन् ।