भारतीय कन्टेनरले किच्दा हेटौंडामा २ जनाको ज्यान गयो, ७ वटा सवारीमा क्षति

199








सरिता दाहाल

चुरे मकवानपुर । मकवानपुरमा भएको दुर्घटनामा २ जनाको मृत्यु भएको छ भने ७ वटा सवारीमा क्षति पुगेको छ।




पूर्व–पश्चिम राजमार्ग अन्तर्गत मकवानपुरको हेटौंडा उपमहानगरपालिका– १५ चुरियामाई मन्दिर नजिक भएको दुर्घटनामा परी २ जनाको घटना स्थलमै मृत्यु भएको छ। भारतीय मालवाहक कन्टेनरले थिचेर २ जनाको मृत्यु भएकोे प्रहरीले जनाएको छ। ३० टन बिद्युतिय सामाग्री बोकेर आएको एनएल ०१ डी ८०३१ नम्बरको १८ चक्के भारतीय कन्टेनर अनियन्त्रित भई दुर्घटना हुँदा २ जनाको घटनास्थल मै मृत्यु भएको छ भने ७ वटा सवारीमा क्षति पुगेको छ।

मृत्यु हुनेमा ना १ ह ८८२४ नम्बरको अटोका चालक बसामाडि घर भई हेटौंडा– ९ निवासी सुजनकुमार ढकाल रहेका छन्। मृत्यु हुने अर्का व्यक्तिको पहिचान खुल्न बाँकी रहेको प्रहरी नायव उपरीक्षक यज्ञप्रसाद भट्टराईले बताए। दुर्घटनामा बा ६६ प ६२१३ नम्बरको मोटरसाइकल चालक गम्भिर घाइते भएका छन्। यसैगरी ५ जना घाइते भएको प्रहरीले जनाएको छ। घाइतेहरुको मकवानपुरको हेटौंडा अस्पताल र चुरेहिल अस्पतालमा उपचार भइरहेको छ।

कन्टेनरले ना १ ज ७७८६ नम्बर सुमो, बा ६६ प ६२१३ नम्बरको मोटससाइकल र ना १ ह ८८२४ नम्बरको अटोलाई थिचेको थियो भने ना ५ ख ५११३ र ना ४ ख ३१४१ नम्बरको बस, को १ च २२६७ नम्बरको कुखुरा बोक्ने गाडि र भे १ क ६३१ नम्बरको ट्रक ठोक्किएको प्रहरीले जनाएको छ। दुर्घटनामा कन्टेनर सडकबाट तल खसेको छ। दुर्घटना पश्चात कन्टेनरका चालक फरार छन्। चालकको खोजी कार्य भइरहेको प्रहरीले जनाएको छ।



You might also like
Loading...