अधिकांश दुर्घटना मोटरसाइकलसँग सम्बन्धित

यी चाडका बेला भएको दुर्घटनामा परी चितवनमा सात जनाको ज्यान गएको छ । प्रहरीका अनुसार पाँच जनाको मृत्यु मोटरसाइकलले ठक्कर दिँदा भएको हो । अन्य गाडीको ठक्करले मोटरसाइकलमा बस्ने दुई जनाको मृत्यु भएको छ । कात्तिक १० गते राति पूर्वी चितवन खैरहनीस्थित राजमार्गमा बस र मोटरसाइकल ठोक्कियो । दुर्घटनामा गम्भीर घाइते मोटरसाइकल चालक खैरहनी नगरपालिका–१ का अनिल अधिकारीको उपचार क्रममा मृत्यु भएको खैरहनी प्रहरीले जनाएको छ । चितवन प्रहरीले असोज १२ गतेदेखि चाडपर्व लक्षित विशेष सुरक्षा योजना सुरु गरेको थियो । यो बेला दुर्घटना, मृत्यु र कारबाहीमा पर्नेमा सबैभन्दा बढी मोटरसाइकल देखिएको छ ।