ज्ञानेन्द्र शाहीलाई आक्रमण गर्ने एकजना पक्राउ

158








कात्तिक १८, २०७६

चितवन : आफूलाई भ्रष्टाचारविरोधी अभियान्ता बताउने ज्ञानेन्द्र शाहीमाथि आक्रमण गर्ने एकजनालाई प्रहरीले पक्राउ गरेको छ।




जिल्ला प्रहरी कार्यालय चितवनका अनुसार कुटपिटमा संलग्न भएको अभियोगमा भरतपुर महानगरपालिका-११ निवासी ३२ वर्षीय अविरल पोख्रेल पक्राउ परेका हुन् ।  प्रहरी नायव उपरीक्षक शालिग्राम शर्मा पौडेलका अनुसार पोख्रेलललाई आइतबार साँझ पक्राउ गरिएको हो ।

पक्राउ परेका पोख्रेलमाथि अनुसन्धान सुरु गरिएको छ। अन्यको खोजी भइरहेको उनले बताए। गत असोज ११ गते भरतपुरस्थित चौबिसकोठीमा नेपालका लागि नेपालीले आयोजना गरेको कार्यक्रम सुरू हुनै लाग्दा शाहीमाथि आक्रमण भएको थियो।

कार्यक्रम स्थगन भएपछि ग्लोबल होटलबाट बा३ख ८४५८ नम्बरको माइक्रोमा फर्कने क्रममा होटल परिसरमा नै शाहीमाथि आक्रमण भएको थियो ।

 



You might also like
Loading...