दोस्रो खेलमा भारतको जित, कप्तान रोहितको ८५ रन

248







बंगलादेशविरुद्धको दोस्रो टी–२० क्रिकेट खेलमा घरेलु टोली भारतले जितेको छ ।


राजकोटमा बिहीबार राति भएको खेलमा भारतले बंगलादेशलाई आठ विकेटले पराजित गरेको हो । १५४ रनको चुनौती पछ्याउँदै ब्याटिङ गरेको भारतले १५.४ ओभरमा दुई विकेटको क्षतिमा लक्ष्य भेटायो । भारतका लागि कप्तान रोहित शर्माले ४३ बलमा ६ छक्का र ६ चौकाका मद्दतमा ८५ रन बनाए ।

त्यस्तै, शिखर धवनले ३१ र श्रेयस ऐयरले अविजित २४ रन बनाए । बलिङतर्फ बंगलादेशका अमिनुल स्लामले दुई विकेट लिए ।

यसअघि टस हारेर पहिले ब्याटिङ गरेको बंगलादेशले निर्धारित २० ओभरमा ६ विकेटको क्षतिमा १५३ रन बनाएको थियो । बंगलादेशका लागि मोहम्मद नाइमले ३६, सौम्या सरकार र महमुदुल्लाहले समान ३०–३० रन बनाए ।

यो जितसँगै भारतले बंगलादेशसँग ३ खेलको टी–२० क्रिकेट सिरिजमा १–१ को बराबरी बनाएको छ । यसअघि पहिलो खेलमा भारत बंगलादेशसँग पराजित भएको थियो ।


You might also like
Loading...