नवलपुरमा हराएका आधा बढी महिला फेला पर्दैनन्
पूर्वी नवलपरासीमा हराएका महिलाहरु मध्ये आधाआधी महिला फेला नगर्ने गरेको तथ्यांकमा देखिएको छ ।
जिल्ला प्रहरी कार्यालय नवलपरासीका अनुसार गत आर्थिक बर्ष २०७५/०७६ मा हराएका २ सय ६० जना महिला मध्ये १ सय ९२ जना मात्र फेला परेको छ ।
बाँकी एक सय ६८ जना अझै फेला पर्न नसकेको जिल्ला प्रहरी कार्यालय नवलपरासीकको तथ्यांकमा उल्लेख छ । सरदर महिनामा २० जना महिला हराएको भन्दैं प्रहरीमा उजुरी पर्ने गरेका छन् ति मध्ये सबैभन्दा बढी श्रीमान् विदेश भएकाहरुको श्रीमती हराएको भन्दै उजुरी गर्न आउने गरेको प्रहरी महिला सेलले जनाएको छ ।
त्यसैगरी यस आर्थिक बर्षको साउनदेखि कात्तिकसम्म ६४ जना महिला हराएको भन्दै प्रहरीमा उजुरी परेकोमा २२ जना फेला परेका छन् भने ४२ जना यस अझै फेला पर्न सकेका छैनन् ।
कतिपयले हराएको खबर गर्न आउने तर फेला परेपछि प्रहरीकोमा खबर नगर्ने गरेका कारण पनि हराएर नभेटिनेको संख्या यकिन हुन नसकेको जिल्ला प्रहरी कार्यालय नवलपुरका प्रहरी नायव उपरीक्षक अर्जुन रानाभाटले जनाए।
