विश्वमा कोरोनाको कारण १ लाख जना बढीको मृत्यु – with vedio

Daunne News प्रकाशित : २०७६ चैत्र २९ गते, ०६:४८

https://www.youtube.com/watch?v=h69SZaHYgq0&t=11s

संसारभर फैलिएको कोरोना भाइरसको कारण मृत्यु हुनेको संख्या १ लाख नाघेको छ ।

पछिल्लो २ साता संक्रमितको संख्या र मृत्युदर दुबै बढेको छ । शनिबारसम्ममा करिब १७ लाख संक्रमित हुदा १ लाख ३ हजार जनाको मृत्यु भएको छ ।

संक्रमितमध्ये ७ प्रतिशत मानिसको मृत्यु भएको छ । दोस्रो महिनासम्म संक्रमितमध्ये २ प्रतिशतको मृत्यु रहेकोमा बढ्दै ७ प्रतिशत पुगेको हो

चीनको वुहानशहरबाट फैलिएको भाइरसबाट तीन महिनामा ५० हजारको पनि मृत्यु नभएकोमा पछिल्ला महिना अत्याधिक बढी देखिएको हो ।

अमेरिकामा संक्रमितको संख्या ५ लाख नाघ्यो, एकैदिन २ हजारको मृत्यु

शुक्रबार करिब साढे ३३ हजार थपिएसँगै त्यहाँ संक्रमितको संख्या ५ लाख नाघेको हो ।

शुक्रबार बिहानसम्म अमेरिकामा ५ लाख २ हजार व्यक्ति कोरोनाबाट प्रभावित भएका छन् ।

अमेरिका कोरोना संक्रमित धेरै हुने सूचीको शीर्ष स्थानमा छ । त्यहाँ यो भाइरसका कारण मृत्यु हुने दर पनि बढ्दो छ ।

पछिल्लो २४ घण्टामा मात्रै अमेरिकामा २ हजार ३७ जनाले ज्यान गुमाएका छन् । यो संख्या अमेरिकामा अहिलेसम्मकै बढी हो । त्यहाँ मृतकको कुल संख्या १८ हजार ७ सय नाघेको छ ।

कोरोनाबाट अमेरिकाको सबैभन्दा बढी न्यू योर्क राज्य प्रभावित छ । त्यहाँ १ लाख ७२ हजार व्यक्ति संक्रमित भइसकेका छन् । जसमध्ये ७ हजार ८ सयको मृत्यु भएको छ । न्यू योर्कमा शुक्रबार एकैदिन ७७७ को मृत्यु र १० हजार ८ सय नयाँ संक्रमित थपिएका छन् ।

गत डिसेम्बर अन्तिम साता चीनको वुहानबाट फैलिएको कोरोना हालसम्म २१० देश प्रभावित भइसकेका छन् ।

शनिबार बिहानसम्म यो भाइरसका कारण १६ लाख ९७ हजार व्यक्ति संक्रमित हुँदा १ लाख २ हजार बढीको ज्यान गएको छ । ३ लाख ७६ संक्रमित भने उपचारपछि निको भएका छन् ।