प्रधानमन्त्री अनुपस्थित भएपछि नेकपा सचिवालयको बैठक स्थगित, स्थायी कमिटि पनि सर्यो
काठमाडौं । नेकपा सचिवालयको बैठक २० मिनेट मात्रै बसेर सकिएको छ । प्रधानमन्त्रीको सरकारी निवास वालुवाटारमा बसेको सचिवालय बैठकमा प्रधानमन्त्री केपी शर्मा ओली र गृहमन्त्री समेत रहेका सचिवालय सदस्य रामबहादुर थापा अनुपस्थित थिए ।
आज बसेको बैठक मंसीर २० गते फेरी बस्नेगरी सकिएको हो । प्रधानमन्त्री ओलीका प्रेस सल्लाहकार सूर्य थापाका अनुसार सचिवालयको बैठक मंसीर २० गते दिउँसो १ बजे फेरी बस्नेछ ।
भोलिका लागि बोलाइएको स्थायी कमिटिको बैठक समेत मंसीर २१ गतेका लागि सार्ने निर्णय समेत भएको छ ।
