भोलिसम्म किसानको खातामा रकम जम्मा नभए उद्योगीहरुलाई पक्राउ गछौँ : मन्त्री भट्ट

135







काठमाडौं, ३ पुस । उद्योग वाणिज्य तथा आपूर्ती मन्त्री लेखराज भट्टले भोलि शनिबारसम्म उखु किसानको खातामा रकम जम्मा नगरिदिए आइतबार देखि उद्योगीहरुलाई पक्राउ गर्ने बताउनु भएको छ ।

शुक्रबार उखु किसानहरुले माइतीघर मण्डलामा प्रदर्शन गरिरहेको स्थानमा पुगेर भोलि खातामा रकम जम्मा नभएको अवस्थामा पक्राउ गर्ने बताउनु भएको हो ।

उहाँले उखु किसानको लागि नै भएपनि शनिबार भोलि बाणिज्य बैंकहरु खुला गरिने बताउनु भयो । यसअघि नै गृह मन्त्रालयमा आयोजित सुरक्षा परिषदको बैठकले उखु किसानको बाँकी रकम भुक्तानी नगर्ने उद्योगीहरुलाई पक्राउ गर्ने निर्णय गरेको थियो ।

उखु कृषकहरुको आन्दोलनलाई विभिन्न पार्टीका नेताहरुले पनि समर्थन गरेका छन् । ४ बर्ष अघिको उखुको रकम नपाएका उखु कृषकहरु केहिदिन अघिबाट आन्दोलनमा छन् उनहिरुले गत बर्ष पनि आन्दोलन गरेका थिए ।

तर उनीहरुले अझै परा रकम भुक्तानी पाएका छैनन् । उनीहरु बाँकी भुक्तानीको बिल सहित आन्दोलनमा उत्रिरहेका छन् ।

उखु किसानको आन्दोलनमा पुगे रामचन्द्र पौडेल

नेपाली कांग्रेसका वरिष्ठ नेता रामचन्द्र पौडेल उखु किसानको आन्दोलनमा ऐक्यवद्धता जनाउन माइतीघर पुगेका छन् ।

चिनी उद्योगले उखुको रकम नदिएपछि गत आइतबारदेखि काठमाडौंको माइतीघरमा उखु किसानहरु आन्दोलनरत छन् । नेता पौडेलले किसानसँगै धर्नामा बसेर उखु किसानको आन्दोलनमा साथ दिए ।

नेता पौडेलले समाजवाद उन्मुख राज्यमा किसानको अवस्था यही हो भन्ने प्रश्न गरेका छन् ।

You might also like
Loading...