गैंडाकोटका ७ वटा वडामा आधारभुत स्वास्थ्य केन्द्र स्थापना गरिने

146







माघ ८, गैंडाकोट । गैंडाकोट नगरपालिकाका आधारभुत स्वास्थ्य केन्द्रमा परिचालन हुने स्वास्थ्यकर्मीहरुलाई स्वास्थ्य व्यवस्थापन सूचना प्रणाली सम्बन्धी तालिम प्रदान गरिएको छ ।

गैंडाकोट नगरपालिकाको स्वास्थ्य शाखाले नगरपालिकाका ७ वटा वडामा स्थापना गर्न लागिएको आधारभुत स्वास्थ्य केन्द्रमा खटिने कर्मचारीहरुलाई अभिमुखिकरण गरेको हो । माघ ५ गतेदेखी शुरु भएको तालिमको बिहिबार समापन गरिएको हो । गैंडाकोट नगरपालिकाका स्वास्थ्य शाखा प्रमुख झलकराज पौडेल, सिनियर अहेब घनश्याम भट्टराई, हेल्थ असिस्टेन्ट माधव आचार्य र पुष्पराज श्रेष्ठले प्रशिक्षण दिनुभएको थियो ।


गैंडाकोटका किशोरीहरुलाई आईरन चक्की वितरण गरिने

गैंडाकोट नगरपालिकाका किशोरीहरुलाई आईरन चक्की वितरण गरिने भएको छ ।

किशोरीहरुको रक्तअल्पता निवारणका लागि माघदेखी चैतसम्म आईरन चक्की वितरण गर्न लागिएको गैंडाकोट नगरपालिकाका नगर स्वास्थ्य शाखा प्रमुख झलकराज पौडेलले जानकारी दिनुभयो । हप्ताको १ दिन १ चक्कीका दरले १३ हप्तासम्म १० वर्षदेखी १९ वर्षसम्मका किशोरीहरुलाई आईरन चक्की खुवाउने कार्यक्रम रहेको उहाँले जानकारी दिनुभयो ।


You might also like
Loading...