उदयपुरको विकट गाउँमा पहिलो पटक विजुली
उदयपुर स्थित उदयपुर गढी गाउँपालिकाको दुर्गम गाउँमा पहिलोपटक बिजुली पुगेको छ । गाउँमा विजुली पुगेपछि अन्धकारबाट मुक्त भएका स्थानीय बासीहरु खुसि भएका छन् ।
उदयपुर गढीको विकट गाउँ घ्याम्पे, भलायाडाँडा, मैनीटार, पात्ले र सत्यवती गरी पाँच गाउँमा पहिलोपटक बिहीबार बिजुली पुगेको हो ।
करिब एक ५० घरधुरीमा बिहीबार बिजुली पुगेको उदयपुर गढी गाउँपालिकाका उपाध्यक्ष सानुकुमारी राउतले बताउँनु भयो ।
कूल एक करोड २७ लाख रुपैयाँको लागतमा दुर्गम गाउँमा विद्युत् विस्तार गरिएको हो ।
प्रदेश १ सरकारको एक करोड २० लाख रुपैयाँ र बलान सामुदायिक वनको सात सात लाख रुपैयाँ जम्मा भएको थियो ।
मैनीटारका ६७ वर्षीय गणेश अधिकारीले पहिलोपटक बिजुली बलेपछि सगाउँमा बिजुली आउँछ भन्ने कुरा सपनामा पनि नसोचेको बताउँनु भयो ।
विद्युत् विस्तार सिरहाको लहान शाखाको बलान कद्माहा खण्ड हुँदै उदयपुर गढी गाउँपालिकाको दुर्गम गाउँसम्म भएको छ।
