कोरोना संक्रमितको घर घरमा स्वास्थ्य सामग्री वितरण गर्दै दिव्यपुरीका युवा
नवलपुर । एकीकृत दिव्यपुरी विपत व्यवस्थापन समिति, देवचुलीले आज कोरोना संक्रमितलाई उनीहरुकै घरमा गई स्वास्थ्य सामग्री तथा फलफुल वितरण गरेको छ ।
देवचुली नगरपालिका वडा १ –५ वडाका विभिन्न टोलहरुमा रहेका २३ घर वपरिवारलाई वितरण गरिएको समितिका प्रवक्ता प्रदिप काफ्लेले जानकारी दिए ।
समितिका सदस्यहरु, वडा अध्यक्ष, वडा सदस्य, नेपाल प्रहरी तथा स्वास्थ्य कार्यालयका प्रतिनिधिहरु सहित संक्रमितको परिवारको घरघरै पुगेर स्वास्थ्य सामग्री र फलफूल वितरण गरिएको हो ।
कोभिड – १९ माहामारीका कारण भिडभाड गर्दा जोखिम हुने भएकाले घरघरै पु¥याईएको उनले जानकारी दिए ।
कोभिड – १९ का कारण होम आईशोलेसनमा रहेका परिवार र उनीहरुका सदस्यहरुको मनोवल उच्च वनाउन यस्तो गरिएको अभियानका अध्यक्ष कृष्ण वाग्लेले बताए ।
