चितवनका २४९ संक्रमणमुक्त, ९६ जना थपिए, दुईको मृत्यु
भरतपुर । चितवनमा पछिल्लो २४ घन्टामा ९६ जना संक्रमित थपिएका छन्। स्वास्थ्य कार्यालय चितवनले दिएको विवरणअनुसार आज बिहीबार एकैदिन ९६ जना संक्रमित हुँदा संक्रमणमुक्त हुनेको संख्या २४९ जना रहेका छन् । २ जनाको कोरोना संक्रमणका कारण मृत्यु भएको छ ।
भरतपुर महानगरमा ६६, खैरहनीमा ४, माडीमा ५, रत्ननगरमा १६, कालिकामा २ र इच्छाकामनामा ३ जनामा कोरोना संक्रमण देखिएको स्वास्थ्य कार्यालयको विवरणमा उल्लेख छ । चितवनमा हालसम्म जम्मा संक्रमितको संख्या १५ हजार ७५१ पुगेको छ ।
हस्पिटल आइसोलेसनमा ९४, होम आइसोलेसनमा ९१५जना रहेका छन् । १४ हजार ४३१ जना हालसम्म संक्रमणमुक्त भएका छन् । २७४ जनाको कोरोनाको संक्रमणबाट मृत्यु भएको छ ।
