पूर्वी नवलपरासीमा ५८ नयाँ संक्रमित थपिए, ५९७ जना सक्रिय संक्रमित
नवलपुर । पूर्वी नवलपरासीमा ५८ जना नयाँ संक्रमित थपिएका छन् । १ सय १८ जनामा परीक्षण गर्दा ५८ जनामा कोरोना पोजेटिभ देखिएको हो ।
स्वास्थ्य कार्यालय नवलपुरका अनुसार गैडाकोटमा १३, देवचुलीमा १०, कावासोतीमा २५, मध्यविन्दुमा ५ जना, विनयी त्रिवेणीमा ३ जना, हुप्सेकोटमा १ जना र बौदीकालीमा १ जना संक्रमित भेटिएका हुन् ।
यो सहित नवलपुरमा सक्रिय संक्रमितको संख्या ५ सय ९७ जना पुगेको छ ।
नवलपुरमा अहिलेसम्म कोरोनाका कारण १ सय ३५ जनाको ज्यान गएको छ ।
