नवलपुरको ब्युटिपार्लरमा चोरी
नवलपुर । पूर्वी नवलपरासीमा गएराति ब्युटी पार्लरमा चोरी भएको छ ।
अस्थायी प्रहरी पोष्ट बेल्डियाका अनुसार गएराति पूर्वी नवलपरासीको गैडाकोट नगरपालिका १३ पुरानो बेल्डियामा कौशिला काफ्ले महतोको कौशिला ब्युटिपार्लरमा चोरी भएको हो ।
२ जनाको समूहमा आएका समूहले पार्लरको ढोकाको ताला फोरी पार्लर भित्र रहेको नगद, समान गरी १ लाख ८५ हजार बराबरको चोरी भएको हो ।
१ लाख ६० हजार रुपैयाँ नगद र २५ हजार रुपैयाँ समान गरी १ लाख ८५ हजार रुपैयाँको धनमाल चोरी भएको प्रहरीले जनाएको छ ।
घटनाको अनुसन्धान भईरहेको र चोरी गर्ने चोरको खोजी भईरहेको प्रहरीले जनाएको छ ।
